النكت البتقسم البلد..

الواحد ليهو كم سنة وقف ترديد و نشر النكات البتتناول جماعات اثنية لأنه انتبه ببساطة انه التبعات بتاعتها في اللاوعي بتهدد السلم الاجتماعي وعندها تأثيرات بطالة في الوحدة الوطنية.. (١) https://t.co/nFk8L7bWlR

فلو الواحد النكتة عجبته، بدل يكتب اسم القبيلة ممكن يعبر عنها بحاجة بتشرح السلوك المقصود معالجته من غير دمغ قبيلة كاملة بأي سلوك.. لأنه زي ما بيقولوا (أي تعميم مهما كان فهو غلط).. وعشان الواحد يكون واضح لكل من يقرأ البوست دة؛ (٢)

فبدل ما تقول رباطابي، جعلي، شايقي.. الخ عوض عنها بالصفة العاوز تعالجها.. الكلام دة برضو بيمتد للجنسيات التانية؛ ف زي ما بنزعل كلنا لما نشوف واحد من اخواننا العرب (بتوع الجزيرة العربية) بيحكي نكت عن السودانيين محاولاً دمغهم بالكسل (واللي ممكن يكون صحيح بالمناسبة)، (٣)

واللي برضو ربما مصدرها هم منافسيننا في سوق العمل الخليجي؛ حقو احنا برضو نجرب نبطل نضحك في الجنسيات التانية و نطلع نكت على شاكلة واحد حبشي، ولا غيره.. (٤)

الخواجة طلع كالعادة مر بالحاجات دي كلها و درسها بعلمية، و طلع لينا مصطلح "فكاهة الإستخفاف" Disparagement humor واللي تعريفه ببساطة (محاولة التسلية عن طريق تشويه سمعة مجموعة اجتماعية او ممثلينها).. النكات دي زي ما قال الخواجة بتحتوي على رسالتين متناقضتين: (٥)