جت وجابها الله

أكثر موضوع نفسي أتكلم عنه بالفترة الاخيرة

ولكن اللي كان يمنعني ان فيه عدة اشخاص يتابعوني يمسهم الموضوع وكنت أخاف انهم يعتقدوا انهم هم المقصودين

لذلك دام جاني طلب من متابع والله ما أرده

بقولكم كيف تحولت من انسان شحات

لشخص يعطي ويسلف وينسى الفلوس اللي له https://t.co/7sh0NKMxFs

لاحظت بالفترة الاخيرة ان الاشخاص اللي اعرفهم ويعانون من قلة الدبرة كثيرر

صار عندي شيء عادي لما اسمع ان فلان اللي يشتغل مهندس او مدرس يبغى سلف 100 و 50 ريال

قبل اسبوع كنت طالع مع احد الزملاء وتكلم معاي بهذا الخصوص وشكى لي من كثر الاشخاص اللي يطلبون منه سلفيات رغم انهم موظفين

انا قبل سنوات كنت اطفر ثالث يوم للراتب .. كنت اصرف راتبي كله اول يومين

وفي اسبوع من الشهر كنت ادور سلف من شخص عشان اسدده نهاية الشهر

كانت التزاماتي

قسط قرض حوالي الفين

مصروفات الشقة 500

الوالدة 500

تسديد ديون 1000

ويبقى في رصيدي 2500

كانت اطير منها 2000 على مشتريات من الاونلاين

بعد كم يوم اروح اتسلف 500

واعيش نفسي فيها اسبوعين

وبعد اسبوعين اروح اتسلف من شخص ثاني 500 ثانية

الى نهاية الشهر

واذا استلمت الراتب سددت الديون

الغريب والعجيب اني كنت احيان اروح اتسلف من الوالدة ههههههه

يعني اعطيها 500 وما تجي نهاية الشهر الا وانا متسلف منها

هيوان كبيرر هههههه

حاولت ادخر

لكن مقدر

قسم بالله كأن فيه جني يضايقني لما اتذكر ان فيه اكثر من 1000 بالحساب

لازم اصرفها .. احس بضيقه لو نمت وانا عندي فلوس

عاد مقدر احكي لكم ايش يحصل فيني لما تخرب السيارة وتحتاج مبلغ كبير

على طول ادخل على مدير المحاسبة و اتسلف راتب الشهر الجاي مقدماُ

كنت عايش في ضياع