المتحور الجديد .. كورونا B.1.1.529

بصوا بما اني طبيب عاوز اقولكوا كلمتين مهمين في الموضوع ده ..

اولا .. كل الفيروسات التنفسية سريعة الانتشار مع اختلاف سرعتها .. وطبعا الكوفيد بمتحوراته هو الاكثر والاسرع انتشارا من كل الفيروسات التنفسية زي فيروسات البرد والانفلونزا ..?

ثانيا .. طول مانت عندك فيروس عايش في الرذاذ بتاع الانسان وبيتنقل من شخص لشخص لازم يظهرله سلالات ومتحورات كتير .. مش عجبة يعني .. وكل ما زادت سرعة الانتشار كل ما زادت اعداد المتحورات نتيجة اخطاء النسخ ..

يعني ايه اخطاء نسخ؟؟ بالبلدي كده ..?

لفيروس علشان يتكاثر بيدخل الخلية عندك ويحط المادة الجينية بتاعته جوه مكنة تصوير كده اسمها الريبوسوم عشان يعمل منها نسخ كتير كل نسخة تتحول لفيروس جديد

كل واحد فينا كبشر مكنة التصوير اللي عنده كفاءتها مختلفة عن التاني ، يعني ممكن ماتنسخش نفس النسخة بتاعت الفيروس بالظبط بيحصل خطأ?

بيحصل خطأ في النسخ بيغير التركيبة الجينية تغيير بسيط تغيير بسيط من ده على تغيير بسيط من ده يتراكم ويغير الشكل وده لكل الفيروسات مش بس الكورونا

امتى بقا نسميه متحور جديد؟ لو تراكمات اخطاء نسخ المادة الجينية للفيروس من شخص لشخص ادت لتغير في حاجة من ٣ حاجات سلوك الفيروس في جسم ?

الشخص او سرعة انتشاره بين الناس او مقاومة اللقاحات المعتادة

ثالثا مش ضروري ابدا ان اي متحور جديد يبقى اسوأ او اشرس من اللي قيله هو مشكلته الاساسية ان الجسم مش متعرف عليه وبيتعامل معاه انه فيروس جديد لكن لا يشترط انه يكون اكثر خطورة

رابعا:مش كل ماتسمع كلمة متحور جديد تفزع ?