انتشرت حاليا ظاهرة تقسيط أي شيء بدون فوايد

زمان كنا نشوف بيت سيارة بالاقساط

لكن الحين تقدر تقسط جوال وشنطة ولو تبي تقسط كوب قهوة قالوا تعال نقسط لك ?

طبعا هذي الطريقة معروفة واختصارها الانجليزي BNPL وبالعربي اشتري الان وادفع بعدين

1️⃣

هذا يخلي الشخص يشتري أي حاجة في خاطره سواء محتاجها او لأ ضرورية او كمالية بحكم انه بيشوف سعر القسط وماراح يشوف السعر الحقيقي وبيعتقد ان القسط هو السعر

وبيصير يسترخص أي حاجة دامه بيدفعها بالاقساط وآخر الشهر بيشوف انه بيدفع مبلغ محترم للاقساط والمشكلة اذا تعثر الفوايد بتجيه

2️⃣

طبعا العملية هذي فيها 3 أطراف

١- المستهلك ٢- شركة التقسيط ٣- التاجر

الزبون انا او انت تكلمت عنه

شركة التقسيط بتكسب عمولة من البائع 2-10% من قيمة السلعة، وتكسب من غرامات التأخير اذا مادفعت

التاجر بيكسب من زيادة المبيعات والربح عنده بيزيد حتى مع العمولة لانه بيبيع أكثر

3️⃣

طبعا واذا جينا للتجارة الالكترونية الوضع يصير أسوء للمستهلك لأن الإغراء أكثر مثل الشحن المجاني اذا شريت بالمبلغ الفلاني فتروح تزيد اشياء وغيرها من الاشياء

عموما الوضع الحالي مع غلاء الاسعار بتنتشر الظاهرة هذيي وللمعلومية لها اضرار اجتماعية واقتصادية

4️⃣

بعطيكم مثال لواحد معنا بالدوام توه متوظف براتب تقريبا 7 الاف من سنة وتورط بأقساط لمدة 6 شهور بمجموع 5 الاف تقريبا

طبعا عنده قسط سيارة مايعدى 800 ريال

لكن عنده قسط جوال وساعة وتلفزيون وحاجات ثانية ويبقى من الراتب الفين ريال ?

5️⃣