لكل مُكتئب أو مُكترب، لمن أحسَ بالضيقِ و فقدانِ الأمل !
لمن أتعبهُ الهمُّ و ضاقَ به الحزَن ، لمن سئِم تجربةَ الحلولِ و لكن لا أمل !
إليكَ قصتي و رسائلي لعلها تُذهِبُ عنكَ الحزَن ..
في السيارة في طريق سفر ، ما أعرف في الأصل ليش مسكت الخط ! يمكن رايح لأمي أشوفها آخر مرة لأني ما عدت متأكد إني ما أسوي شي في نفسي !
زحمة أفكار ..
طيب لو صدمت اللحين الشاحنة اللي قدامي ممكن ما أموت بس أنشلّ و أعاني أكثر ! لا لا .. لازم أشوف حل ثاني يكفي اللي عانيته !
بس أنت جربت كل شي تعبت خلاص ! طيب و زوجتك و أطفالك الإثنين كيف بيكون وضعهم ؟
طيب أنت حافظ القرآن كامل و حرام يروح كل شي سويته و تدخل النار !
مدري مدري تعبت ( أوقف على طرف الطريق ) بكاء بدون أي سبب لعله يفرّج قليل من ما في صدري !!
بدأت معاناتي من عدة سنوات مع القلق و الإكتئاب ، كنت فيها من أنجح الناس في عملي و علاقاتي الإجتماعية .. لكنّي كنت أعاني و أنا ما أدري ! تعوّدت على القلق و ضيقة الصدر لدرجة إني اعتقدت انها كانت جزء طبيعي من حياتي و إنه كل الناس مثلي !
دأ الموضوع يزيد لدرجة انه بدأ يأثر علي في جميع مناحي حياتي و يهدّني ، لكن ما زلت محتفظ بأدائي العالي في عملي !
زرت الطبيب الأول و بدأت العلاج الأول ، وضعي أحسن شوي لكن الأعراض و الاكتئاب قاعد يزيد مع مرور السنه ..
