سمعت ان ايطاليا بتنهار ؟ عرفت ان اسبانيا ركعت ؟ شفت ان ايران كذبت ؟ ارقام الوفيات ل #كورونا_الجديد مخوفاك و مش واثق فى حكومتك ؟ فاكر الحكومة بتكذب ؟ طيب تعالى نشرح بشكل علمى ايه الموضوع و تصدق مين فى ارقام الوفيات

ثريد ??

اولا لازم تعرف ان فى عوامل كتير بيتوقف عليها نسبة الوفيات من نسبة الاصابة .

1.متوسط عمر الشعب median age.

علميا فيروس كورونا الجديد بيصيب كل الاعمار لكن تاثيره على الاعمار الكبيرة بيكون اعلى و اخطر نظرا لضعف المناعة و امراض الشيخوخة .

و فى مصر متوسط عمر الشعب تقريبا 24.3 سنة

ده معناه مناعة اقوى و بالتالى عدد وفيات اقل .

على عكس دول تانية زى ايطاليا مثلا 45.4 سنة يعنى اكبر من الضعف مقارنة بمصر و بالتالى مناعة اقل و امراض شيخوخة اعلى و بالتالى وفيات اكثر .

2.الارقام الفعلية للمصابين

خلينا متفقين ان عمليا منقدرش نعمل اختبار ال #COVID19 لكل الناس عشان

نحدد العدد الفعلى للمصابين و نطلع النسبة المئوية للوفيات ولكن الاحصاء بيقول ان اعداد المصابين تقريبا هى خمس اضعاف الارقام المؤكدة (وده راجع لسرعة انتشار الفيرس ان واحد ممكن يعدى حوالى خمسة ) و بالتالى دولة زى كوريا الجنوبية معدل وفياتها اقل نظرا لاعتمادها على اجاء الاختبار لعدد

كبير لحصر المرض و منع انتشاره على عكس دولة زى اسبانيا/ايطاليا اللى بتعانى من انهيار نظامها الصحى و عليه نقص الكواشف و بالتالى عدم القدرة على السيطرة على المرض و تحديد الرقم الفعلى للمصابين و بالتالى يلاحظ ارتفاع نسبة الوفيات بها