#قصة " حج " يقول الراوي عبد الله بن عبد الكريم التميمي ، عزمت أن أحج بركاب من الأرطاوية عام ١٣٩٠ هـ . موتري لوري وأخذت معي ٥٦ حاج مابين رجال ونساء . ثلاثة معي بالغمارة وسبعة على السلة والبقية بالحوض . ونقطع الطريق براً من الأرطاوية للغاط ثم نتوجه لشقراء بحيث يكون النفوذ على https://t.co/zh8qJekJCp

يدي اليمين والجبل على يدي اليسار ونمشي طيلة النهار وأدركنا مغيب الشمس قبل شقراء ، فبتنا ليلتنا بالبر دون شقراء لأن الموتر مايمشي الا ٤٠ أو ٥٠ كم بسبب الحمولة . واتجهنا للدوادمي ويوم أقبلنا على الدوادمي ونعشي ونمرح ، الحاصل ممشانا الى مكة ٤ أيام . وما وصلت مكة الا منكسر عندي ٣ https://t.co/5MjO9K9GTt

جنوط و ضارب عندي كفرين ، واحد شريته من الدوادمي وواحد شريته من وراء عفيف من ظلم ، كان الحج في ذلك الزمن مشقة وبهدلة . بعد ذلك توجهنا للمدينة المنورة ، وأنا أجرتي التي أخذتها من الركاب كلها خلصت على خرابات الموتر . ويوم طبينا المدينة وأنا ماني مرتاح من الموتر وعطالاته ونزلنا في https://t.co/TgfhJo0Llm

ونزلنا في حوش " حوطة" على طريق المطار . وأخذت الموتر للورش حتى يتحرفون به ويشوفون وش طاعونه . ويغيرون البليتين والبواجي والكويل والبويبينة ويطفي وعيّا يشتغل ويعجزون يصلحونه ، ما عرفوا له وجلسنا بالمدينة ٣ تيام ومعي واحد من الجماعة اسمه ابراهيم الحضيري من أهل الغاط . الا يوم https://t.co/zLKGiUwf6H

لحقني عقب صلاة العصر ، قال : عبد الله ، الجماعة متضايقين عشان التأخير . قلت : وش السواة ؟! قال ابراهيم : وش رايك تستاجر لهم سيارة توديهم لأهاليهم وتقعد أنت عند سيارتك . قلت : أي بالله صار ، وأنا استاجر حصنية بـ ٥٠٠ ريال من المدينة للأرطاوية . ويا ابراهيم أنا ماعندي دراهم https://t.co/nHyT1WMNrL