الكلام دا مهم لي كل واحد عندو اخوان صغار ولا اطفال هو مسؤول منهم
قبل ايام كنت واقف قدام الباب جاني شافع لابس لبس مدرسة وشايل شنطة وشكلو بقرا في الفصول الاولي في الاساس قال لي ياعمو اديني 10ج عايز افطر
استغربت شديد انو طالب وشكلو مهندم ومابدوهو حق الفطور ولاكيف!!!
قلت ليهو دقيقة اخش جوا اجيب ليك سندوتش واجيك
قاطعني قال لالا بس اديني عشره وانا بمش عرفت انو القصه ماقصة فطور
والحاجه دي زعلتني انو الشافع دا لو من اسي اتعلم انو يمد يدو للغريب هيقوم علي الاحاجه دي وحيتعود عليها وهتبقي ليهو عادية وهو كبير
قعدت معاهو قلت ليهو ها اديك العشره وعد مني بس وريني عايز تعمل بيها شنو
مسافه بنلف وبندور في نفس الحاجه لمن وعدتو انو ها اديهو 20مره واحده
المهم بعد مسافه نفسو اتشهتفت في القروش وقال لي ياخ عايزين مني تبرع اصحابي للكوره في الحله
وناس البيت ماعايزين يدوني
ولو ما اتبرعت معاهم مابلعبوني كوره
قمت اتكلمت معاهو انو البعمل فيهو دا ماصاح وكلام علي قدر عقلو عشان يسيب العاده دي وسالتو ساكن وين .. شبكني لا مابوريك وبتكلم ناس بيتنا وكدا قلت ليهو لالا ياخ بس عشان شنو انا عايز اجيب ليك كوره اختها ليك في مكان نتفق عليهو انا وانت بس بكرا بتلقاها
هناك وهتتحكم في اصحابك وتلعبهم بي كورتك واغريتو شديد وقلت ليهو دا طبعا بعد ماتوريني ساكن وين
اقتنع ووراني ساكن وين طلع ساكن في الحاره القريبه مننا وطلعت بعرف اخوهو
المهم بقيت كيف افتح معاهو البرنامج دا واوريهو الحصل عشان يساعد اخوهو
اتشجعت لاقيتو قريب المغرب وبديت احكي ليهو الحصل
