نصائح قريتها في القناة تخدم اطباء الامتياز او حتى
المقبلين على السنوات الاكلينيكة والتدريب الصيفي لكي توضح الصورة عن طبيعة العمل في المستشفيات خلال تدريبك وحبيت ارسلها لكم لعلها تفيدكم !
حبايبي الإنتيرنز ، عندي نصائح كتبها بعد ما خلصت الإنتيرنشيب ، والحين أنا نقيب ورزدنت جي اس
١/أول شي ، الشيف انتيرن يوزعكم على تيمات ، مثلاً اذا بديت ميديسن .. راح تكون ب قسم تحت الميديسن مثلاً تيم الكارديو أو تيم النيفرو أو الجي أي وهكذا .. يعني م فيه شي اسمه تيم الميديسن كذا .
٢/ كل تيم راح يكون عنده قروب واتس آب للتواصل خلال ساعات العمل .
٣/الحضور المبكر يا أطباء وَيَا طبيبات ، هذه أهم نقطة .. يعني تجي قبل الساعة ٧ ، و خلاص انس انك طالب ، أنت الحين طبيب والمسؤول الأول عن المرضي المنومين من جميع النواحي من ناحية المستجدات ، التحاليل ، الأدوية والشكوى الجديدة .
٤/ رجاءً لا تتأخر ولا تغيب ، صدقني ب تتعب أنت وراح تزعل الاستشاري والتيم عليك ، وتبي تمر عليك ايّام أشبه بالجحيم والله ، لكن أنت قدها بأذن الله ??.
٥/ فترة التغيرات هذه من كونك طالب إلى طبيب .. تكون صعبة شوي ويصاحبها مشاعر غربية لكن كلها أسبوع أو أسبوعين بالكثير وتعدي وتسلك .
٦/ حاول تتعلم من أول يوم على كل شي .. سواء مكان العيادات أو الأقسام أو غرف المرضى أو الأجنحة ، مكان الإشعة ، الأدارة وسيستم المستشفى .
٧/ فيه شي اسمه راوند يعني المرور الصباحي على المرضىٰ ويكون عادةً الساعة ٧ أو ٧ ونص .. طيب وش دورك أنت ؟
الأنتيرنز اللي بالتيم يجون قبل الراوند ويتوزعون المرضى بينهم وكل انتيرن يعرف كل التفاصيل عن مريضه ويسجل معلومات خفيفة عنه عشان اذا بدأ الراوند يكون مستعد لتقديم الحالة على التيم ( case presentation ) .
