ثريد عن تجربتي مع التدخين وما وصلت اليه حاليا وكل من لديه تجربة ياريت لو وصلو الثريد دا يشاركنا.
اولا: ابتديت التدخين في سن صغير يمكن ١٥ سنه او ١٦ سنه لحدي قبل شهر متواصل طيلة ال١٧ سنه الفاتت دي ما وقفت ولا يوم ولا كنت قادر اقيف اساسا مع انو لي اكتر من ٦ سنوات نفسي أوقف التدخين
ولحدي اسي قاعد اعاني على فكرة.
ثانيا: التدخين كان في نظري زي الحاجة البتشيل الزهج وبتغير المود وبتريحك من التفكير او بساعدك اكتر في التفكير وإنجاز اي موضوع انت بتعمل فيهو سوأ قراءة كتاب ولا بتعمل في شغل وبتحاول تخلصو والأهم من دا كلو سجارة القهوة وسجارة الشاي وسجارة مابعد الاكل
دي حاجات مستحيل اعملها كان بدون سجارة.
ثالثا: لما بديت ادخن علبة السجاير كانت ب ٦ ريال حاليا نفس العلبة دي ب٢٥ ريال وفي نفس الوقت انا كنت بدخن علبة يوميا للأسف يعني فا كان في قروش كمية مهدرة ساي ?ربنا يعوضنا ويتوب علينا ويغفر لينا الصرف الحنتسأل عنو يوم القيامة ??
رابعا: حاولت كل الطرق عشان انا اقدر اخليهو في السنين الفاتت دي.. مرة بديت انو اتحمس واخليه فجأة كدا من اول يوم بعد ٣ ايام برجع زي الكلب وامشي اشتري علبتي ?
تاني جربت اخفف يعني بدل علبة ابدا اخفف كل يوم ٣ سجارات لحدي ما اصل لاني أوقف وكنت دايما بفشل بسبب طلعه فيها شباب وعضة وقهوة
وبتنسي نفسك وتلقى نفسك شربت كمية سجاير تاني بكسر الحنك كم شهر كدا وما تتخيلو قدر شنو السجاير دا مؤذي جسديا ونفسيا وماديا للزول كيف.
خامسا: اكتشفت انو اصحابك البشربو سجاير والمجتمع الانت بتكون حايم فيهو معظم وقتك وفيهو ناس بشربو سجاير دا اكتر سبب بخليك ما تقدر تخلي السجاير.
