مساء الخير كنت سألتكو من كام يوم على موضوع ان هل الشخصية و السلوك بيورثوا ولا بيكتسبو ؟ ?
دورت شوية و قريت شوية ابحاث و بعتت لناس ليها علاقة بمجال الطب عشان احاول اوصل لاجابة مؤكده و فى الثريد ده هوضحلكم كل اللى وصلتله تابعوه للاخر و ريتويت لو متابعين او عجبكم الثريد ❤️
طيب عشان تبقو فاهمين المشكلة في ايه بالظبط
نفترض ان فى اسرة ربنا كرمها و جابو 2 توأم و الاتنين متربيين سوا و نفس النشأة و نفس القدر من التعليم هل لو اتحطو فى نفس المواقف بعدين تصرفهم بيبقى واحد ؟
و كانت الاجابة بمنتهي البساطة هى لا !!
ايه ده طب ازاى و ليه ده حصل !! https://t.co/1Sq27U10mM
المهم قالو ان من اكتر الصفات اللى كانت محل دراسة و عاملة قلبان فى المجتمع العلمي و اللى محتاجاها اى شخص بيفكر يرجع للشخص اللى طلع عينيه زمان كانت صفة " الذكاء "
ليه فى ناس اذكي من ناس تانيه ؟ ازاى ممكن نطور ذكاء الانسان ؟ وقالك عشان نفهم ازاى نطور الذكاء لازم نفهم مصدره الاول https://t.co/vQo7aqfeJs
المهم قالولك احنا نعمل شوية تجارب كده على الذكاء من التجارب اللى حصلت عليه دى هنفهم القصة دى ماشية ازاى و هل فعلا صفات الشخصية بتتورث ولا انت بتتولد فلاشة 32 فاضية وكل ماتكبر تتملي ! https://t.co/0ISa1KyKH8
المهم التجربة كانت كالاتي باختصار شديد
هنجيب توائم كتير انفصلو عن بعض بعد الولادة مباشرة و اتربو و نشأو فى بيئة مختلفه و اتربو مع اخوات غير اخواتهم و نشوف مدي تشابه الناس دى مع الاب و الام الاخوات البايولوجيين بتوعهم و بين اللى تبنوهم و اخواتهم اللى اتربو معاهم https://t.co/KldThrXpGk
