[يعني ايه سبب؟ لبس البنت والتحرش، الأمر بالمعروف والنهي عن المنكر] ثريد:

اول حاجة عشان احدد العلاقة بين متغيرين (اللبس والتحرش) محتاج اقول مقدمة كدا.

لازم نفهم ان في انواع للعلاقات بين الأشياء وان في فرق ما بينهم.

هتكلم عن نوعين من العلاقات دي

1- Correlation

2- Causation

اول نوع هو ال Correlation ودا معناه بالعربي علاقة متبادلة، ومعناه في العلم ان حاجتين لاحظنا انهم بيحصلوا مع بعض.

اما تاني نوع (causation) او العلاقة السببية فهو معناه ان اي تغيير في احد العوامل بيسبب تغيير في العامل التاني.

الناس بتوع الاحصاء لما بيحاولوا يبسطوا الفكرة دي بيستخدموا مثال اسمه ( الايس كريم مش بيسبب زيادة جرايم القتل)

يعني ايه؟

يعني لقوا في مدينة نيوورك علاقة متبادلة بين الايس كريم وجرايم القتل، يعني بيلاقوا مبيعات الايس كريم تزيد وجرايم القتل تزيد معاها والعكس صحيح.

لكن هل ده معناه ان أكل الايس كريم بيسبب جرايم القتل؟اكيد مفيش حد ممكن يقول كدا،وانما لقوا ان في عامل تالت وهو الايام المشمسة، فلما يكون في ايام مشمسة اكتر دا بيسبب زيادة مبيعات الايس كريم وفرص حدوث جرايم القتل في نفس الوقت، بالتالي ممكن هنا نعمل علاقة سببية. (طبعا دا مجرد مثال)

عاوز اقول مثالين كمان عشان اوضح حاجة مهمة. لو لقينا دراسة بتقول ان الناس اللي بتقضي وقت طويل في القفز على الترامبولين اكتر عرضة للاصابة بوجع المفاصل، ممكن تكون فكرة مغرية اننا نستنتج ان الترامبولين بيسبب وجع المفاصل، ولكن في تفسير تاني ممكن نفكر فيه (يتبع)