ازمة الزمالك حاليآ مليانة تفاصيل ومانقدرش نحصرها في شخص بعينه مدرب بقي او لعيب

الازمة ان الفرقة بناءها نفسه غلط وده مرتبط بأن النادي معندوش اصلا استراتيجية واضحة يعيش عليها ( طبعا ده شئ صعب المنال في وجود المسئولين الحاليين في النادي ) لكن في شوية نقط عشوائية ممكن نرغي فيها

١

انك تبني فريق ده مرتبط اولآ بانك تعرف حدود قدراتك ايه ماليآ بمعني انك طول الوقت بتشتكي او بتعاني من قلة الفلوس وفي المقابل عندك حارس مرمي مرتبه بتتكلم في١٢ مليون تقريبا والتاني عايز ١٥ مليون في الموسم

٢

هل يعقل اني ادفع حوالي ٣٠ مليون جنيه سنويا لاتنين لعيبة في مركز واحد هيشارك منهم لاعب واحد (بعيدا عن تقييمهم الفني هنروح له بعدين)

٣

طبق نفس المنطق ده علي كل المراكز سواء لعيبة محلية او اجانب، انت كنادي بتدفع فلوس خيالية للعيبة اصلا مش بس مابيصنعوش الفارق لكن حتي مش قادرين يقدموا لك الحد الادني من المطلوب منهم كلعيبة في فريق بحجم الزمالك

٤

( شوف كدة رواتب لعيبة زي محمود علاء والمثلوثي واوباما وشيكابالا وغيرهم + لعيب زي حازم امام عايزنا نجدد له بملايين وهو حرفيا بنشوفه في المناسبات وطول السنة مصاب !!!)

الفكرة انك بتصرف مصاريف مهولة في الارض لان معندكش استراتيجية ولا قادر تقيم وضعك ولا العناصر اللي عندك بشكل سليم

٥