كيف تقنع طفلك بتقليل الوقت المهدر على الألعاب إليكترونية بأسلوب بسيط وشعبي
١-يوجد في عقلك منطقة صغيرة ومهمة يسمونها الذاكرة العاملة ويسمونها كذا لأنها ما تحتفظ بالمعلومات لفترة طويلة إنما لفترة محدودة بهدف معالجتها وتحديد طريقة التعامل معها.عمليات هذه الذاكرة تستمر لثواني معدودة
٢- والذاكرة العاملة علشان تشتغل مضبوط لازم تكون مرتاحة ومبسوطة وما نزعجها بالأشياء الغير مفيدة والي تخليها تتعب مثل الهواش والصراخ والمضاربات والالعاب اليكترونية الي فيها عنف وقتل. الله خلقها لنا علشان نحافظ على نشاطها لأنها مفيدة في حياتنا اليومية ودراستنا ومستقبلنا.
٣-يوم من الأيام جلسوا مع الذاكرة العاملة وقالوا لها يا بنت الحلال ليش ما تحبين الألعاب اليكترونية الي فيها عنف قالت لهم أنا شغلي منظم ومهامي مخطط لها وهالالعاب تخرب كل شغلي وأزعل وتقفل معي ولا أقدر أشتغل لأنها من جد تسبب لي تعب وارهاق وما أقدر أساعد عيالكم في لغتي والرياضيات
٤- طيب ما نقدر نمنع عيالنا عن اللعب. ردت الذاكرة العاملة وقالت أنا ما قلت امنعوهم بس أقلها تبعدونهم من الالعاب العنيفة وحتى مع الالعاب الي ما فيها عنف تقللون من وقتها الوقت المسموح عندي ساعتين يوميا فقط وبعدها أتعب. وعلشان عوض تعبي واتنشط من جديد لازم يلعبون العاب حركية
٥- جزاك الله خير يا الذاكرة العاملة عندنا سؤال ثاني وش هي الأشياء الي تخليك نشيطة وسنعة وذربة وتساعدني عيالنا في دراستهم:
ردت عليهم:
- النوم بدري
- أكل الفواكه والخضروات
- لا تضربون عيالكم ولا تصرخون عليهم
- الالعاب الحركية
- الالعاب اليدوية مثل المتاهات والتلوين والصلصال والرمل
