البنت الكينية اللي بتيجي تنضف البيت مش هتيجي تاني
لأنها راجعة كينيا ومن كينيا رايحة كندا
القصة باختصار
هيا ما عندهاش ورق اقامة رسمي ووضعها مهدد.. اللي دلني عليها قال لي خد بالك.. لانهم بالوقت بيعرفوا مواعيدك وممكن تسرقك بسهولة وما عندهاش حاجة تخسرها
كانت هادية وبتسمع الكلام
بتيجي مرتين في الأسبوع تنضف كل حاجة وتغسل الغسيل
كنت حذر جدا في البداية.. بس هيا أثبتت أمانة غير عادية.. زي انها تلاقي حاجات غالية في مكان غلط يعني في الغالب منسية وتسيبهالي ع الترابيزة او فلوس في جيوب الهدوم وهيا بتغسلها
كنت باعاملها كويس بشكل انساني مش تفضل مني.. بالوقت اطمنتلها لدرجة اني بقيت باسيب مفتاح الشقة في مكان عند الباب تيجي تفتح وتخلص وتقفل وتمشي من غير ما اشوفها
كلامنا مع بعض قليل جدا بس كان طلبي انها تكون بتتكلم انجليزي.. فدي طلعت مدرسة انجليزي في بلدها!
عندها ابن اسمه إيڤان عمره ١٠ سنين (يعني خلفته وهيا عندها ١٨ سنة)
كانت مستمتعة بالشغل وعرفت ده من انها كانت بتقعد ساعات تشغل حاجات تتفرج عليها وبالوقت بقت بتعمل حاجات اضافية زي انها تبعتلي ليست بالحاجات اللي قربت تخلص في المطبخ او الحمام وليست بالحاجات اللي تاريخها قرب قبل ما تبوظ
كنت مسافر الاسبوع ده
وكل الناس حذرتني اني ابلغها بس انا بلغتها عشان ما تجيش المرة التانية في الاسبوع ده.. لان البيت هيفضل نضيف من المرة الأولى فارتاحي خلاص
اصرت تعرف راجع امتى فقلتلها
لما رجعت لقيتها في البيت عايزة تتكلم معايا
