الجزء التاني من الثريد، توكلنا علي الله.
أول إدعاء بيحبوا يقدموه هو ان مصر درجة حرارتها عالية بشكل ميقدرش يتحمله "البيض" أو "العرب" زي ما بيحبوا يسمونا
لكن الحقيقة هي:
١) الخليج الي بيقولوا اننا جينا منه، أصلاً أشد حرارة من مصر، بل أشد حرارة من معظم دول إفريقيا! https://t.co/POPwlMHEt2
٢) مصر أقل معدل كانسر جلد في العالم، و دا إثبات إننا أكتر شعب مناسب لبيئته و متكيف معاها!
٣) المصريين القدماء هم من إخترعوا منتجات الوقاية من الشمس، أصلاً. https://t.co/rKXefDCp7U
تاني "حجة" بيحبوا يقدموها هي اسم مصر القديم كيميت، الي في الحقيقة بيعني الأرض السوداء، نسبة الي تربة مصر السوداء، بحكم إن مصر القديمة كانت حضارة زراعية، فنسبت مصر كإسم لتربتها الخصبة..
و لكن هم بيزوروا معني الإسم دا و يقولوا ان كيميت تعني "أرض السود" https://t.co/iYY6soqjBD
و عشان نرد علي الإدعاء دا بالمنطق المحض، بدون حتي الحاجة لإقتباسات أي عالم مصريات، أو أي حد علي دراية باللغة المصرية، فالمصريين سموا الصحراء "ديشرت" أي الأرض الحمراء الي بقت desert في الإنجليزية دلوقت بالمناسبة، فهل سكان الصحراء كانوا حُمر ؟ و هل سكان جرينلاند خضر ؟
