أتممت اليوم Aug 19، ٧ سنوات في مجال الرياضة ككل و ٥ سنوات تقريباً في رياضة كمال الاجسام بالأخص، راح الخص تحت هذي التغريدة رحلتي الكاملة من شخص كان وزنه ١٧٨ كيفو الى ٧٧ كيلو وكيف قدرت انزل اكثر من ١٠٠ كيلو بدون ما (اترهل). https://t.co/sEp39EdELX

في البداية سمنتي كانت بشكل مفاجىء حصلت بسبب ظروف كثيره وبديت احس بأعراض كثيرة مثل الدوخة وطول النوم وصعوبة التنفس، سويت بوقتها فحصت وتشخصت في بداية سكر وارتفاع حاد في ضغط الدم بسبب زيادة الوزن (السمنة المفرطة) https://t.co/hhbcW8FUGW

حسيت بخوف كبير وقتها وضغط حاد من ناحية نفسية فقررت من الطبيعي اني اراجع اخصائيين تغذية في مستشفيات كبيره، واعطوني جداول تغذية وحبوب سد الشهية والخ، جدول التغذية للأسف كان محسوب بطريقة خطأ وكالمتعاد يعتمد على ان الاكل كله سلطات وخبز وزبادي وطول اليوم اكون جوعان

في سنتي الاولى قررت اني اشترك بالنادي والتزم بالدايت اللي اخذته من اخصائي التغذية، من الطبيعي بيكون نزول الوزن ملحوظ لان عجز السعرات كان مهول وروحتي للنادي ماني عارف اسوي اي شيء فأكيد مالي الا المشي والركض وتمارين البطن عشان تختفي الكرشه

مرت سنة كاملة ولاحظت النزول ولكن للاسف دخلت بمشاكل اكبر مثل تساقط الشعر وضعف الجسم والخمول المستمر وثبات الوزن، فحسيت انه فيه شيء غلط فقررت اني اغير اخصائي التغذية اللي كنت اراجع معاه واروح لشخص ثاني ولكن الصدمة كانت انه اعطاني نفس الجدول اللي اعطاني اياه الاول (بالضبط) https://t.co/YHyucSYN2l