#كتعة_تويتر

دى تسمية انا اختارتها لكل مغردة/مغرد بيمارس الحجر الفكرى على باقى المغردين.

الناس دى انتشروا بشكل بشع خلت تويتر بقت بيئة حاضنة للغلاسة و التنمر و تقل الدم و الأدهى من كدة ان في ناس كتير هربت من هنا بسبب #كتعة_تويتر .

-١تابع https://t.co/NwYCYMdSol

تعود تسمية #كتعةتويتر لدور الفنانة القديرة #نعيمةالصغير فى فيلم "العفاريت" الكتعة" أو شريرة السينما المصرية،بكل بساطة دى كانت ست ضخمة الجثة و صوتها أجش جدا و شكلهاو تعبيراتها مخيفة. كانت بتخطف الاطفال الصغيرين بمساعدة حرامى مسبسب . تستلم العيال منه و تاخدهم تربيهم بقسوة

-٢تابع https://t.co/bPUITCcAzT

وتمارس عليهم التعذيب والتنكيل وتعلمهم النشل و السرقة والشحاتة واللى يموت ترميه فى صفيحة الزبالة. وبما اننا فى عالم افتراضى كما ان التمثيل كمان عالم افتراضى يجوز لى اقتباس الاسم?افتراضشيييين احنا مع بعضينا?.

طيب كيف تتعرف عزيزى التويترى و عزيزتى التويترية على #كتعة_تويتر

-٣تابع

بنفسك بدون اللجوء للمساعدة؟

إليك الإرشادات الصحية و طريقة الوقاية:

اولا: #كتعة_تويتر لازم تكون عندها حساب كبير و قديم عشان يكون لها هيبة و تخوف اصحاب الحسابات النونو..

زى الكتعة بالظبط "ضخمة الجثة".

-٤تابع

ثانيا: #كتعة_تويتر لازم يكون لسانها زفر و متنمرة وتبلطج على اي حد بيكتب تغريدات متجيش على هواها او يكون بيعرف يكتب تغريدات هى متعرفش تكتبها فتمارس عليه أقصى درجات التنمر "صوتها أجش و تعبيراتها و شكلها مخيف" فاكرين؟

-٥تابع https://t.co/xRZ4FsLk6A