من باب إني أبغى أصنع التغيير ..
وأساس التغيير يبدأ من طاقاتنا الشبابية اللي نفخر فيها، وربما للأسف ما لقت الفرص الصحيحة اللي تبدع فيها، قررت أبدأ تغريدات متسلسلة تتعلق بعملية توظيف حديثي التخرج (مهما كان تخصصهم) من الألف إلى الياء.
وأهلاً بكم معي في هذه الرحلة....
أول سؤال:
انت ايش شغفك؟ او ايش المجال اللي انت حابب تشتغل فيه؟
مثلاً انت خريج بكالوريوس نظم معلومات بس ماتعرف وش الوظائف المناسبة لك؟ ولا تعرف وين تقدم عليه؟
الحل أبسط من البسيط، ادخل قوقل واكتب:
(Information system) path career
يعني (بين القوسين) حط تخصصك.
وتصفح المواقع بالبحث راح تلاقي مسميات وظيفية كثيرة للتخصص.
والمسمى اللي تحس انه عاجبك روح ابحث عن مهامه الوظيفية (مهام الموظف الحامل لنفس المسمى).
مثلاً نقول ان تخصصك نظم معلومات ولما بحثت عن الكارير باث، جاز لك المسمى الوظيفي لمحلل تطبيقات (Application Analyst )وحسيت ودك تعرف اكثر عشان تتأكد هل هذا المسمى هو ميولك او لا، اكتب بقوقل:
Application Analyst job description
اذا قريت الوصف الوظيفي وحسيت انه:
"ايوه هذا اللي ابيه"
معناته إنت حددت هدفك الوظيفي??، وما عليك إلا انك تسعى له....
والسعي للوظائف، رحلة يبي لها صبر وإصرار وعدم استسلام عشان تلقى النتيجة اللي تطمح لها فعلياً
