السكر ميعرفش يدخل من الدم للخلايا لوحده
هنا بقا تظهر وظيفة وأهمية الإنسولين يشيل السكر ويدخله جوه الخلية
في نوعين من مرض السكر النوع الاول وهو معندوش أنسولين او بيفرز كمية قليلة جدا بالتالي هيبقى محتاج ياخد أنسولين من بره النوع التاني وده الأشهر انه عنده إنسولين لكن لأسباب كثيرة
منها السمنة التاريخ المرضي العادات الصحية الخاطئة عدم ممارسة الرياضة التقدم في العمر البنكرياس يبدأ إفرازه للانسولين يقل مش بس كده ده حساسية الخلايا للانسولين تقل فمتتعرفش عليه وبالتالي مش قادر يدخل ولا يدخل السكر هنا تبدأ حالة ما قبل السكري او حالة شهيرة باسم مقاومة الانسولين
ببساطة الخلايا نفسها تقاوم الانسولين بسبب ان حساسيتها ليه قلت
طيب مين واقف بره في الدم مش عارف يدخل للخلايا السكر تروح إشارات للبنكرياس المصنع بتاع الانسولين يعمل ايه يطلع أنسولين بزيادة ظناً منه ان في نقص في الإفراز وميعرفش انه الانسولين مش عارف يدخل الخلية
يحصل اجهاد للبنكرياس
يقل إفرازه للانسولين وممكن يدخلك في النوع التاني من السكري بسبب مقاومة الانسولين
طيب الحل
رياضة مش أقل من ٣٠ دقيقة لو مشي بخطوات سريعة
اكل صحي ملي بالألياف
بطل السكر الأبيض وقلل الكاربوهيدرات
بطل فاست فود ورمرمة ?
وانت تقضي ع مقاومة الخلايا للإنسولين وتدعيلي
أعراض مقاومة الانسولين
للأسف غالب الحالات من غير أعراض وتظهر لما سكرك يبدأ يرتفع أو بعد ما تدخل في السكري من النوع التاني
ممكن تحس ببعض أعراض السكر وتقيس السكر تلاقيه طبيعي اوhigh normal
الجوع شديد
العطش شديد
شراهة لأكل الحلويات
بقع سودة في بعض الأماكن في الجسم
وغالبا بدون أعراض
