توضيحات بشأن قرار الرفع من قائمة الدول الراعية للإرهاب:
- الأموال 335M$ موضوعة في حساب ضمان "escrow account" وخلاص ما حيشترو من سوق أسود ولا سما أحمر
- الصفقة والتفاوض اتأخر بسبب تعنت حمدوك في المطالب وفعلاً في النهاية أمريكا تنازلت عن فصل إعلان التطبيع مع الرفع من القائمة
- البلد حتجني مقابلات جيدة حسب الوارد حالياً من معلومات (حاكتب ثريد تاني عنها)
- ماف علاقة بين الرفع من القائمة وزيارة المدعية العامة للمحكمة الجنائية الدولية
- الدولار -واقعياً- ما مفروض يزيد ولا ينقص، لكن قد يتغير سعرو لأنو السوق هنا فاكي ساي ما خاضع لي معايير حقيقية
- خطاب ترامب في التويتة موجّه للناخب الأمريكي عشان كدا ركز على نقطة الأموال الداخلة للتسوية، هو طبيعي يحاول يرضي شعبو ما يرضيكم
- الشروط المقابلة للصفقة جيدة نسبياً، ولكن فصلها من التطبيع قد يؤثر على الإلتزام
- الرفع عن القائمة لا يعني الرخاء، عندك انهيار إقتصادي مكتمل الأركان
- الرفع من القائمة لا يعني استهداف الدين أو المجتمع، واستخدام الخطاب الديني للتقليل من الرفع حاجة بائسة ومقرفة
- موضوع انو في ٤٧ شرط للتطبيع ديك طلس وماف أي حقيقة ليها
- تغريدة ترمب مجدولة تزامنا مع تحويل الأموال من حساب الضمان وقرار الكونغرس بعد وصولها، كلو متفق عليه
- في مشروع قانون حصانة برضو مفروض يتشرّع عشان لمن نخش المجتمع الدولي ما نتعرض لي ابتزاز تاني ولا محاكمات ولا تتعرض أصولنا السيادية لي الحجز والرهن
