ثريد حب الشباب

—————————

حب الشباب من اكثر المشاكل الجلدية الشائعة في العالم كله ، بعاني منه حوالي 650 مليون إنسان في العالم 90% منهم مراهقين والباقي اطفال او فوق ال40 سنة . https://t.co/s5Y9XG6xim

طيب هو شنو حب الشباب وبيتكون كيف ؟!

حب الشباب هي بثور وحبوب تظهر ع سطح البشرة خصوصاً في منطقة الوجه والصدر والاكتاف

البشرة والجلد عموماً بيحتوي على بصيلات شعر البصيلات دي محاطة بمادة دهنية زي ما هو موضح في الصورة (افرازات دهنية) الافرازات الدهنية دي بتفرز طبقة حامضية رقيقه Acid matle وظيفة الطبقة دي أنها تحول بيئة البشرة من معتدلة لحامضية عشان تمنع تراكم البكتريا والجراثيم عموماً فيها . https://t.co/11jlnCPAHr

اذاً اذا حصل اختلال في الطبقة الحامضية دي حتتراكم الميكروبات وتنتج حب الشباب .

طيب البخلي الاختلال يحصل شنو؟؟!

الاختلال بحصل لما الدهون دي تزيد عن حدها وتغطي حتى الطبقة الحامضيه دي .

وتطلع لسطح الجلد ، لما تطلع لسطح الجلد وتتعرض للهواء حيحصل ليها تأكسد ويبقى لونها اسود ودي هي الرؤوس السوداء نوع من انواع حب الشباب . https://t.co/a3e8d9EASl