صارلي ٧ سنوات من تركت الوظيفة وتوجهت للتجارة وإلى الحين ما وقفت على رجولي ..

صحيح جاتني أشياء رهيبة في التجارة لكن فقدت أشياء كثير كانت في الوظيفة !

مافي شي أحسن من شي ولحد يلعب براسكم ..

سو لايك ♥️

واقرا اللي بقول لك إياه وقرر بنفسك ..

بالبداية قبل لا تقرأ ..

حط في بالك إني إنسان من عايلة طبيعية، دخلها عادي، وإن أول وظيفة لي كانت في ٢٠١٤م وراتبي كان 4600 ريال ومبسوط جداً ??

يلا نبدأ ؟

توظفت وظيفتين في حياتي:

الأولى كانت براتب ٤٦٠٠ ريال

والثانية بعد سنة بالضبط بـ ١٠،٠٠٠ ريال

وسبب هالقفزة إني شديت حيلي وصنعتلي إسم في مجالي واسمي بدا ينتشر عند الشركات ..

المهم: تدرون وش اللي فقدته الحين وكان موجود بذيك الفترة ؟

١

كنت مرتب حياتي، فيه وقت لأهلي، لأخويائي، لنفسي .. وهالشي فقدته في التجارة!

٢

كنت أنام ومو شايل هم فلوس، لأن عارف راتبي بيجيني نهاية الشهر .. وهالشي فقدته في التجارة!

٣

لما كنت موظف كنت أقدر أروح البنك، وآخذ سيارة، آخذ قرض، آخذ بيت، وأجدول اللي أخذته صح وأعيش ..

وهالشي فقدته في التجارة !

مافي بنك يعطيك ريال، لين تكمل سنوات السنوات، ويصير دخلك بعشرات الملايين، وعندك موظفين فوق ٥٠ موظف وشروط أكثر !