في الفترة دي اجتمعت كل الحاجات البتدمر الصحة عموماً وبتهلك البشرة والشعر تماماً.
من حرارة الجو والجفاف وقطوعات الكهرباء المسببه للكل stress حاد وغلاء المعيشه ووو غيره ..
في الثريد دا حاكتب عن بعض الحاجات البتحافظ على الصحه بشكل عام في ظل الظروف دي والبشرة والشعر بشكل خاص ?
اول حاجه الطلوع من حاله الاستياء دي قرار شخصي ، يعني اول حاجه ممكن تعملها لنفسك وتكون في صالحك حالياً انك تقرر ما تشغل بالك بالحاصل او تحكي عنه كثير ، اتعايشوا مع الوضع ❤️
لو اتكلمنا ودخلنا نفسنا في هم مافي شيء حيتغير فنتعايش ونستعين بالله على كدا.
التوتر من اكبر الحاجات الهادمه للمناعه بالاضافه لتكاثر الباكتريا مع الجو الحار ،حتزيد الامراض الالتهابيه والجلديه بالذات واكيد عارفين خصوصاً اصحاب البشرة الدهنيه.
فمهم جداً نعزز مناعتنا الفتره دي
١-عشان نقاوم الامراض عموماً.
٢-عشان نخفف التهابات الجلد وحب الشباب.
٣-عشان الحاجه دي حتحسن من صحتنا النفسيه برضو.
طيب كيف نعزز مناعتنا؟
١-اول واهم حاجه الاكل الصح.
٢-نطلع نفسنا من جو التوتر والاكتئاب وزي ما قلت في الاول الحاجه دي قرار وبعداك في ممارسات معينه ممكن تساعدنا على كدا .
