ما بحب اتكلم عنو بس ناس كتيرة طلبت..

نظام الكيتو هو عبارة عن نظام غذائي معروف في العالم كلو لنزول الوزن ومقاومة الانسولين وفي النظام دا اغلب اكلك دهون ( 70- 75٪ دهون و 20-25٪ بروتين و 5-10٪ كارب) والهدف منو انو تخلي الدهون المصدر الاول والاساسي للطاقة عشان تعيش لان طبيعة اجسامنا

بتستخدم الكارب للطاقة فانت بالنظام دا حتقطع الكارب والسبب البخلي الناس تسوق على انو احسن وافضل نظام:

1. الشخص لمن ياكل كارب هرمون الانسولين برتفع ودا بخلي عملية حرق الدهون تتوقف فالبتالي حتتخزن الدهون لان دي وظيفتو اما في نظام الكيتو الكارب تقريبا شبه مافي لانها بسيطة شديد

فماحيكون في ارتفاع للانسولين فعملية حرق الدهون حتكون شغاالة طوالي

2. مع ارتفاع هرمون الانسولين (هرمون تخزين الدهون) هرمون الجلوكاجون(هرمون افراز الدهون) هو بشتغل عكس الانسولين فحيكون منخفض فبالتالي ما حيكون في دهون في مجري الدم وبكدا خلايا الجسم حترفع من هرمون الجوع والشخص حياكل

بس في نظام الكيتو الدهون حتكون موجودة فهرمون الجوع ما حيرتفع

والناس البتطبق النظام دا في اول اسبوعين حيكون في نزول سريع زي 7كيلو بس النزول دا ما بكون دهون بكون عبارة عن سوائل( لان الكارب طبيعتها بتحبس موية فلمن تقطعها ما حيكون في احتباس للموية والقاعدة انو 1جرام كارب يحبس 3جرام

موية)النزول الحقيقي بيكون من بعد الاسبوع التالت ومنو تقدر تقرر اذا النظام دا نافع معاك او لا وكمان اول ايام لتطبيق نظام الكيتو حتحس بصداع وخمول وحرارة وتعب والحاجة دي طبيعية لان الجسم بطبيعتو كان معتمد على الكارب انو المصدر الاول للطاقة وبالنظام دا انت شيلنا الكارب وبدلتها