#الطاعون_الدملي

1-الطاعون مرض بكتيري تسببه بكتيريا Yersinia pestis

2-المرض بيصيب أنواع معينة من القوارض وكانت الطريقة الوحيدة لانتقاله للبشر عن طريق البراغيث اللي بتقرص القوراض وبعدين تنقله للانسان (ده اللي درسناه) ومحدش كان يتوقع ان الانسان ياكل النوع ده من القوارض وني كمان

3-فترة حضانة المرض أسبوع بس أول مابتظهر الأعراض المريض ممكن يموت في نفس اليوم

4-في 3 أنواع منه حسب مكان الاصابة لو في الغدد الليمفاوية (Bubonic plague) ولو وصل الدم (Septicemic plague) ولو وصل الرئة (Pneumonic plague) وده أخطرهم لأنه أسرعهم انتشار

5-النوع الأول بيعمل دمامل في الغدد الليمفاوية (علشان كده اتسمى بالاسم ده) والنوع التاني بيعمل جلطات في أماكن مختلفة من الجسم وطفح جلدي بيتحول للون الأسود (وعلشان كده اتسمى برضه بالموت الأسود) والنوع الثالث بيعمل التهاب رئوي وأعراضه بتبقى شبيهة بمرض السل

6-معظم المضادات الحيوية اللي بنستخدمها في علاج البكتيريا سالبة الجرام بتنفع معاه (لحد دلوقتي) وبروتوكول العلاج معروف الحمد لله لأن المرض تاريخه من أكتر من 700 سنة

واضح ان الفترة الجاية هنحتاج بعد الدعاء لينا أو على الصين اننا نراجع منهج المايكروبيولوجي تاني. ربنا يحفظنا جميعا