بما انه قربت نتائج التوجيهي بالأردن وفي ناس بدها تطلع من البلد ومش عارفة تختار للآن فهون تعريف عن طريق الدراسة بألمانيا وإيجابيات وسلبيات هالدولة بعد تجربة طويلة نسبيًا
وبما انه في ناس كمان جربت السفرة، بطلب منهم يصححوني. ويساعدوا قدر المستطاع.
الصورة لخارطة ألمانيا بجامعاتها https://t.co/EC7cqEIRAq
نبدأ بالإيجابيات :
- مستوى جامعات عالي عالميًا.
- الدراسة مجانية في معظم الجامعات، رسوم الفصل تتراوح بين ال120-300 يورو حسب الجامعة.
- امكانية العمل خلال الدراسة وتوفير المصروف الشخصي بشكل كامل.
- العمل متوفر بشكل جنوني بكل المجالات، الشي بعيد عن التصديق لكنه فعليًا واقع.
- أمن اجتماعي ووظيفي وصحي لأبعد الحدود.
- بلد ضخم بإقتصاد مستقر، هواء نظيف، طبيعة خلابة، شوارع نظيفة
- بلد يحترم الإختلاف بشكل عام، فزي ما يتقبلوك بدك تتقبل هالشي وتتعايش مع غيرك او خليك ببلدك
- بالنسبة للأطباء : بتتخصص بتخصص من اختيارك بدون منافسة.
- في شركات كبيرة محتاحة عمالة وبتشغلك حتى وانت طالب حتى تكمل معهم
- على قد تعبك بتاخد
- فش فرق بينك وبين المواطن الألماني إلا حق الإنتخاب.
- القانون فوق الجميع دون استثناء والحق ما بضيع ولا وجود للواسطات بحمد الله تعالى.
- الجنسية بعد تحقيق الشروط
- في تخصصات نادرة ما بتلاقيها بمل البلدان
السلبيات:
- كثرة القوانين والتدقيق على كل صغيرة وكبيرة.
- فش شمس تقريبا الا بشهر 7 و8، شخصيًا بعتبرها ايجابية?
- مصروف الشهر عالي للطالب.
- تجديد الإقامة كل فترة بحتاج جهد بسبب المتطلبات
- كثرة الضرائب
- اختلاف الثقافة بشكل كامل
- جمود الشعب الألماني
