حالي كحال أغلب اخصائين التغذية و باقي الناس كنت ارفض فكرة إني أتبع نظام الكيتو لانه عالي الدهون و قليل النشويات ،ولانه على حسب ما اتربينا من صغرنا و حسب ما اتعلمنا في المدارس وواصلت دراستي إلى الماجستير في التغذية والفكرة(الخاطئة)مازالت موجوده بين الناس عن أضرار الدهون في الطعام
و أصبحت ثقافة مجتمع انو نظام اللوكارب يقال انه خطر و"بس" ماكان في اي شرح ولا تفاصيل بس كلمة حفظونا هيا ( يقولو ماينفع خطر على الصحه) ( يقولو ماينفع لانه الدهون ترفع الكولسترول و تسمن الجسم )و انتشرت الثقافه الخاطئة بين الناس و بين مجتمع كامل وأصبحت الفكرة شبه (غسيل مخ) !!!
لكن الحمدلله رب العالمين وقفت وقفه مع نفسي وقلت ليش اسمع كلمة (يقولو )!!!
اتعلمت من دراستي أعمل أبحاث و كيف أوصل للمصادر الموثوقه للمعلومه ف قررت اني اتعمق في البحث واعرف اسباب رفض المجتمع عن نظام الكيتو بالرغم من انو النتائج رائعة و مغرية ??
اكتشفت مع الأسف إني انحرمت سنين طويله من معنى المتعه في الاكل من غير تأنيب ضمير !!
وكان الأكل محدود محسوب عليا باللقمه وافضل جيعانه وحارمه نفسي من الاكل لسبب انو خلصت السعرات المسموحه في اليوم !!! و اشتهي حلى و محرومه منه لانه عالي السعرات و عالي السكريات
طول اليوم حاسه بخمول ومافي انجازات ولا طاقه كافيه
انحرمت من اشياء كثيييير و ضاع الوقت على الفاضي!
