#تجربتىمعكورونا

يا اهل مصر انا حابب انقل لكم تجربتى مع #الكورونا لحظة بلحظة لعلها تنفع حد منكم خاصة الاباء و الامهات، ولان فجاة بقى مفيش مستشفيات ولا دكاترة و مطلوب منى الحق ابنى والا هيضيع

اولا انا مقيم فى اوروبا و الموضوع بدأ من يوم الاحد اللى فات 15 مارس.

ابنى (5 سنين) جه الاحد بليل يبوسنى عشان داخل ينام وبالصدفة حسيت انه سخن شوية تحت 38، اديته باراسيتامول وقلت يمكن اكل حاجة مش نضيفة و مجاش فى بالى ان ممكن يكون #كورونا لانى كنت قعدته من المدرسة قبلها بحوالى خمس او ست ايام و مخرجش. كمان لانه كان سخن بسيط قبلها بكام يوم و خف لوحده

يوم الاثنين، الساعة 5:30 صباحا ، لقيته بيصحينى و عايز يدخل التواليت عشان يرجع ، اخدته للتواليت ولاحظت سخونية تقريبا 39 و كمان رجع حاجة بسيطة جدا . تقلتله فى اللبس عشان كان بيترعش و اخدته ينام تانى و كل اللى جه فى بالى وجع بطن و سخونية من اكلة او حاجة مش نضيفة،

بعدين حوالى الساعة 8:00 صحيت على عياطه و هو بيقولى ان دماغه وجعاه جدا و كمان بيتنفس بصعوبة بياخد شهيق و يكتمه و بعدين يطلعه حاولت اهديه و احايله عشان العياط ممكن يكون مأثر على تنفسه و خليت مامته تحاول تنيمه تانى او تهديه .

وخرجت بره الاوضة بصراحة عندى فزع من صعوبة التنفس

ولانى دارس طب لكن لا امتهنه عندى خلفية كويسة طبيا، و ده خلانى اشك بنسبة كبيرة ان دى حالة #كورونا ، خاصة ان الاعراض الاربعة الاكثر شهرة موجودين

1.سخونية

2.صعوبة فى التنفس

1. الم شديد فى الراس و صداع
2. احساس عام بالاجهاد .

قعدت تقريبا ساعة عندى نوع من انواع الصدمة و مش عارف اعمل