ثريد :

مواقع التواصل الإجتماعي حسناتها كالجبال وسيئاتها كالجبال ونحنا بنشرنا لأي شيء فيها نحدد هل بنجيب لنفسنا حسنات ولا سيئات ؟

تعالوا معايا اقولكم عن شيء لمن تركته وفي نفس اليوم ربي عوضني بشيء أفضل وأحلى منه بكثييير ..

كلنا عندنا حسابات في مواقع التواصل الإجتماعي سواءً سناب أو إنستقرام أو تويتر أو أي برنامج ثاني وانو كل شيء ننشره فيها نحنا محاسبين عليه سواءً شيء كويس أو شيء مو كويس ..

انا من فترة ويمكن نقول من سنين كنت انزل صور يدي يعني مثلاً نقول امسك الوردة واصور يدي معاها أو قهوة وزي كذا واصور نفسي بالعباية قدام المراية يعني حتى وجهي م يبان وبس يدي اللي تبان وانا واقفة قدام المراية فقط ..

المهم دائماً كنت اقول لنفسي ايش تستفيدي لمن تنشري ذا الشيء يا إمتنان ؟ يعني ايش راح يستفيدوا الناس لمن يشوفوا يدي أو وجهي أو أي شيء ؟؟ يعني الصور تقدر تطلع حلوة من غير يدي صح ؟ ..

وكل مرة كنت اقول ببطل اصور وم ابطل بس كنت اخفف من تصوير يدي عشان اتركها ، نصيحة إذا تبغوا تبطلوا أي حاجة أبدأو خففوا منها تدريجياً شوية شوية الين ما تتركوها على طول ..