20 ملاحظه لمريض #كورونا لاحظ ان الناس بتتلخبط فيهم :
١- مش شرط المصاب يفقد حاسة الشم والتذوق (عشان في ناس كتير جدا فاكره إن طالما لسه بشم يبقى متصابتش) في حالات كتير جدا بتتصاب وتدخل العنايه المركزه كمان ومفقدتش الشم ولا التذوق .
?
٢- الكورونا ليها عشر أعراض ،،، ممكن المصاب يجيلوا إتنين منهم ، ممكن يجيلوا تلاته ، ممكن واحده بس ، ممكن العشره ،،، وممكن مايجيش أعراض خالص ويبقى الإنسان ده حامل للڤيروس ومعدي .
٣- لو قولت لعيان إنت عندك كورونا وكان سخن هيقولك إزاي بس انا بشم !!! ،،، ?
ولو كان مابيشمش هيقولك بس انا مسخنتش، ولو كان سخن هيقولك بس انا مبكحش !!!
كل المصابين عندهم حالة إنكار ورفض تصديق ،،، فمتستبعدش أبدا إحتمال إنك ممكن تكون مصاب دلوقتي .
٤- سرعة البدايه ف العلاج مهمه جدا ( كل ما تبدأ بدري بتبقى النتيجه النهائيه أحسن ?
( فالواحد بيتحسر لما يشوف لسه - وبعد مرور سنه من الوباء - حالات قاعده بقالها إسبوع سخنه ولا جسمها مكسر ولسه مكشفتش وبتقول دا دور برد أو عماله تلف على دكاتره اللي يقول تيفود واللي يقول دي عفونه وحاجه آخر هَم .
لو حسيت بأي عرض من أعراض كورونا العشره لازم تكشف بسرعه ، ?
لإن ده هيزود احتمالات إنك تعّدّي ، وهيقلل إحتمالات إنك تعدي حد ( العشر أعراض هما سخونيه ورعشه ، رشح وعطس وصداع ، التهاب ف الحلق ، كحه ، ضيق تنفس ، ألم ف الصدر ، إسهال وترجيع ، هبوط وهمدان ، وجع ف الجسم وتكسير ، فقد حاستي الشم والتذوق )
٥- سخنت ، جسمك مكسر ، همدان ، بتكح ، ?
