من يومين حد هنا كان بيقول إن رغم كل مشاريع الطرق والكباري اللي بتتعمل، القاهرة لسة زحمة

ومن موقعي هذا أحب أقول كام حاجة كدة

في المدن الكبرى اللي فيها ملايين، بيتم عمل دراسات لمناطق المشاكل اللي فيها حوادث وتأخير في زمن الرحلات

1

وبعد عمل الرفع المساحي لمناطق المشكلات المرورية، بيتم عمل دراسة تشمل استعمالات الأراضي في الشارع، توزيع السكان في الشارع، المداخل والمخارج، وبعدين تحديد سبب المشكلة، وبعدين اقتراح الحل سواء بحلول هندسية أو عملية إعادة توزيع للكثافات في الشارع

2

وطبعا قبل كل ده، لازم يكون فيه تصنيف معتمد للطرق، طريق شرياني - طريق رئيسي - طريق فرعي - طريق خدمة - الخ، ولكل تصنيف منهم مواصفة محددة معتمدة.

وغالباً المقترحات بتتراوح ما بين الاستحواذ على الأراضي للتوسعة أو تغيير المسار، ونقل أماكن تقديم الخدمات الحكومية، أو المنشآت

3

ذات الكثافات العالية، و إعادة التصميم الهندسي لتلافي مسببات المشاكل المرورية

وبعد جمع البيانات عن كل مشاكل المدينة المرورية، بيتم عمل جدول لعمل الدراسات المرورية، وبعدين المناقصات والتنفيذ

4

في غضون ده، بيتم عمل حاجة اسمها نموذج المحاكاة المرورية، وده برنامج بيتم تصميمه حسب البيانات اللي تم جمعها في الدراسة، وبعدين البرنامج ده دوره الأساسي هو كيفية تقليل زمن الرحلات، وتحقيق الانسيابية المرورية وده بيخلي المؤسسات المسئولة إنها تقدر تعمل خطط للتنمية

5