1\7

لغز باخرة السموم التي إختفت

شوفوا، هني باخرتين، وحدة بس اليوم رح إحكي عن الباخرة يللي إختفت كرمال ما نفوّت الطوايف بما إنه كل باخرة كانت تابعة لطايفة.

المهم، قبل 10 أو 12 سنة، وصلت عا لبنان باخرة قمح ونكمشت بسبب إصرار أحد الموظفين على القيام بعمله.

2\7

كانت حالة القمح بحالة يُرثى لها، وكمان توقّف كابتن الباخرة (من التابعية الروسية أو الأوكرانية، صراحة لا أذكر، بس أكيد وئام وهاب ممكن يفيدنا بهالموضوع). الخلاصة، الملف كان بين أيادي قاضي نزيه وجريء ومحارب للفساد كان إسمه؟؟ مفاجأة: بيتر جرمانوس.

3\7

بيتر جرمانوس عيّن فريق تقني للتحقق من القمح وأنا متل العادة، دايماً بالمكان الغلط، كنت مع الفريق. قضية واضحة: اولقمح كله أفلاتوكسن وهي مادة شديدة السمّية، يعني كول وسرطن. ولكن، بلبنان متل العادة، دايماً في مفاجأة.

وفجأة بيتصل مواطن رايق ومحترم إسمه سليمان فرنجية.

4\7

وبصوته الناعم والحنون والحلس الملس سأل: كيفكن مناح؟ أهم شي تظهر الحقيقة.

يعني شعور رائع لما زعيم يتصل بفريق عمل تقني يطمن عليهن بس هيك لأن سمع إنه في قضية مهمة للصالح العام.

على كل حال، حرام، سليمان فرنجية ما طلب شي غير يطمّن على صحة الفريق. بعد كم ساعة بيتصّل مين؟

5\7

هالمرة، إتصل القاضي جرمانوس يللي هو أصلاً عيّن الفريق. وبكل بساطة طلب بالأملية يعني، كل حدا بالفريق يفحص سيارته قبل ما يدورها، بركي كان شي حدا مارق بالغلط وحاططله شي محشاية أو قنبلة أو شي. بلبنان كل شي ممكن يصير، وطبعاً دب الرعب بفريق العمل.