#ثريد

عن الدكساميثازون و

#Covid_19

بعد انتشار خبر انو الدكسا علاج فعال لمرض Covid 19 بشكل واسع للأسف اتفهم الموضوع بشكل غلط واتصور على إنو علاج أكيد للكورونا ودا للأسف غير صحيح

في الثريد دا ح اتكلم عن الدكساميثازون والكورونا والإلتهاب الرئوي

#تحقيقالعدالهوالسلام

#كورونيات

الديكساميثازون دواء قديم جدا وقيم جدا وخطير جدا،

عبارة نوع من أنواع الكورتيزونات القوية

Potent steroid

بيستخدم كمضاد التهاب(مش مضاد عدوى)

الالتهاب عادة رد فعل للجهاز المناعي والاجسام المضادة ممكن يكون خفيف شكل تورم أو إحمرار موضعي في الجلد نتيجة لأي عامل زي قرصة حشرة

#كورونيات https://t.co/aebHGTdKqJ

وممكن يكون أشد زي في الأمراض المناعية لما الجسم يطلع أجسام مضادة تهاجم أجزاء معينة زي المفاصل في حالة الروماتيزم أو الكلى في حالة الذئبة الحمراء وغيرها أو بصورة شديدة الخطورة زي الأزمة (الربو الشعبي) أو حالات الحساسية الشديدة لما المريض مايقدر يتنفس لدرجة قد تؤدي للوفاة

في الحالات دي بنحتاج لأدوية قوية مضادة للإلتهاب ومثبطة للمناعة عشان ننقذ حياة المريض أو نحافظ على عضو معين زي المفصل أو الكلى

وفي حالات بنحتاج تعويض لما يكون في قصور افراز الكورتيزن الطبيعي،

ودا دور الدكساميثازون

وطبعا عنده أضرار جانبية خطيرة بتزيد بزيادة الجرعة وفترة الاستخدام

ومن أهم الاضرار دي إنو بيضعف مناعة الجسم في محاربة الميكروبات من بكتيريا أو فيروسات أو طفيليات زي الشخص المصاب بالإيدز (ايوا الإيدز الواحد دا)

غير إنو بيمنع إفراز الكورتيزون الطبيعي واللي بتتغير مستوياته في الدم حسب مستوى الأملاح والماء في الجسم وبنظِّم نسبها حسب الحوجة