اليوم حشارككم #ثريد يختصر بعض النقاط المهمة عن الـ "Personal Branding" أو كيف تصنع من اسمك علامة تجارية مميزة

كثير جاتني اسئلة وكنت أقدم اجابات فردية قررت أجمعها لكم للفائدة، وليش مهم إنو نصنع من اسمنا علامة تجارية بالذات لأصحاب الحرف والمهارات

بسم الله نبدأ

#mkt_art https://t.co/y2kmeoF0Dq

كل واحد منا اليوم يقدر يصنع من اسمو علامة تجارية بالذات مع توفر المنصات اللي تساعد بشكل جداً كبير

لكن في نقاط مهم إننا نحددها قبل ما نبدأ نقرر هذا الشيء

أو إيش الشيء اللي ممكن يرتبط بإسمنا وما يكون هو الهدف اللي نسعى إليه، يعني لازم نحط هدف واضح https://t.co/qzuGOVkSzq

أول شيء، جيب مذكرة خاصة – ويفضل تكون دفتر وقلم للملاحظات مو رقمي – بس حسب تفضيل كل شخص، واسأل نفسك مجموعة من الاسئلة:

إيش الاهتمامات والمهارات اللي أملكها؟ ( أهتم بالأفلام، أصمم بشكل جيد، مبدع بالتصوير...) https://t.co/vyTbqr07Kn

إيش المهارات اللي أملكها وتلفت نظر الآخرين؟ (يلفتهم تصويري، يسألوني أي فيلم يختارو عشاني الخبير، تعجبهم تصاميمي)

إيش المهارات اللي أملكها وتفيد الآخرين؟ (التصميم، التصوير، اختيار ونقد الأفلام)

إيش أبغى الناس تعرف عني؟ (أحب الأكل الصحي، أهتم بالبيئة، أعيش بأمريكا، أنا من سكان جدة) https://t.co/0pfB899JLA

ليش نسأل هذه الأسئلة؟، عشان نتعرف على نفسنا من منظورنا الشخصي، ونعرف المميزات اللي داخلنا وفي إمكانية نستثمر فيها ونحدد القيمة المضافة الخاصة فينا

بعدين نعرف كيف الناس تشوفنا وكيف نقدر نفيد الآخرين – لأن بالواقع اهتمام الناس منصب إلى بعضهم بحسب الفائدة اللي يحصلون عليها من بعض- https://t.co/gy7jn1PJoa