?الله يرحمك يا ابو علاء .كنت بتصرف علينا من جيبك!
الجملة دى بقينا نسمعها اليومين دول ..والاستشهاد بايام ابو علاء بقينا نسمعه بصوت اعلى ...مقصود وممنهج !
الله يرحمه ويرحم كل امواتنا...بس يا سيدى لما ابو علاء كان مريحك ومدلعك كده وسايب لك السايب فى السايب والعيشة ميت فل وعشرة ?
- عملت عليه ثورة ليه وكنت فالقنا ليه بارحل يعنى امشى ياللى ما بتفهمشى!!
حرقت ونهبت وكسرت فى البلد ليه عشان تمشى ابو علاء فى ٢٠١١...وخسرتنا فوق ال ٤٠٠ مليار دولار خساير مباشرة وتلفيات فى البلد ..غير السياحة اللى انضربت...غير اللمون اللى عصرته وجبت لنا عصابة دولية تحكم مصر?
- ابو علاء واذا كنت مش حاساوى بينه وبين العصابة الارهابية....لان مفيش جريمة اكبر من الخيانة فى حق الوطن وهم كانوا منبع الخيانة والارهاب
لكن ابو علاء كان ماشى بسرعة السلحفاة حضرتك ..معيشك فى استقرار زائف ....استقرار بيحافظ على الكراسى والمناصب....اكتر ما يبنى فى البلد?
- بيختار الحلول السهلة والمسكنة...بيديك اكل وشرب وميه وكهربا تقريبا ببلاش...وفى المقابل عشوائيات بتكبر وبتزيد...مرافق عامة ومواصلات بتتدهور....تعليم وصحة بيتدهوروا ...كل الخدمات العامة بنتراجع وبتترهل !!?
- اللى اتعمل فى #مصر الكام سنة اللى فاتوا اكبر من اللى اتعمل فى ال٣٠ سنة بتوع ابو...علاء ...رغم التحديات اصعب...ثورات وارهاب ووباء ومؤخرا حرب عالمية بين قطبى وكبار العالم..?
