طيب يا محمد نعمان وغيره، اقروا الثريد ده!

اولا من الغلط جدا انك تقلل شغل زميلك في المجال، ممكن تنتقد وتتناقش لكن ماتقلل ابدا

ثانياً الزول قبل مايخش اي مجال بيقرا وبيعرف عنه كويس عشان مايبقى بيشتغل ومخه فاضي

التصوير فيهو اكتر من 50 نوع وكل مصور بيلقى روحه واستايله في نوع معين https://t.co/Pcru8wtTJY

اتخيل نفسك مشيت مستشفى واول مادخلت لقيت لوحه كبيره بالدكاتره الموجودين، فعليا كلهم دكاتره ولكن كل دكتور متخصص في مجال معين ( باطنيه، انف واذن وحنجره، صدريه، مخ واعصاب .... الخ) وبعد التخصص بتلقى تخصص اعمق في المجال الواحد (استشاري، اخصائي، نائب اخصائي وهكذا)

نفسه بالضبط مجال التصوير، فعليا كلهم مصورين ولكن بختلف نوع التصوير ( Landscape, beauty, Documentary, street ... الخ)

في الثريد ده حأديك الانواع الشائعه في السودان باعتباره انو السودان (تقريبا) التصوير اتعرف للناس قبل فتره بسيطه جدا

أنواع التصوير الفوتوغرافي:

1. Landscape Photography

عادة المصور بيلتقط صور للاماكن الطبيعيه بتكون جميله وخلابه، عشان ماتقول سهله! كتير من مصوري المجال ده مرات بنتظروا اكتر من ٣ شهور عشان لقطه واحده بس!

امثله: https://t.co/OuGxnq56Lp

2. Wildlife Photography

الصور بتكون عن الحياه البريه، الحيوانات وسلوكياتها وجمالياتها وغيره، بغض النظر عن العده من كاميرا وعدسات متخصصه المصور لازم يكون عنده صبر عشان يقدر ياخد اللقطه المناسبه

امثله: https://t.co/fJLW4xS7pd