ثريد: تراجع المريخ ♂ في برج #الحمل ٢٠٢٠ … #أبراج #خرائط_فلكية https://t.co/n3wHA7ZGub
١. حتي الان ٢٠٢٠ لم تفشل في ابهارنا علي جميع الأصعدة والمرحلة دي فلكياً مثيرة للاهتمام جداً. أولاً رحلتنا بدأت مع دخول المريخ برج #الحمل من يوم ٢٧ يونيو ٢٠٢٠ وتنتهي ٥ يناير ٢٠٢١ خلالها المريخ بيتراجع بدايةً من يوم ٩ سبتمبر وينتهي التراجع علي يوم ١٣ نوفمبر ان شاء الله.
٢. مبدئياً دي فترة طويلة وهيكون ليها تأثير علي الجميع ولكن الأكثر تأثراً بوضع مماثل اصحاب كواكب، نقط او هيمنة في ابراج زي #الحمل، #الميزان #السرطان و #الجدي و نضيف معاهم برج #العقرب وايجابية او سلبية التأثير معتمدة علي طبيعة الشخص اولاً و طبيعة خريطته ثانياً.
٣. بالنسبة ليا مرحلة تراجع المريخ مهمة لأن المريخ بيرمز للسرعة، للقدرة علي الانجاز، القدرة علي الدفاع عن النفس، ازاي بتحقق اهدافك؟ ازاي بتدافع عن نفسك؟ ازاي بتستغل طاقتك؟ بتعمل ايه لما تتعصب، لما تتحمس، لما تحس بالخطر؟ كل ده بيعبر عنه المريخ في خريطة ميلادك.
٤. الجانب الايجابي هنا ان المريخ بيتراجع في برج #الحمل فالمسألة عاملة بالضبط زي ما تضيع مفاتيح سيارتك او الموبايل في بيتك، اينعم الحاجة ضايعة بس في بيتك يعني الموضوع تحت السيطرة شوية، المريخ بيتراجع لكن في مكانه فالموضوع مش سلبي للغاية بالعكس دي دلالة ان عندنا فرص جديدة.
