بما ان السؤال الرئيسي لمعظم الأمهات هي اعمل ايه في فترة الاجازة والقعدة في البيت
اولا احسن حاجة تعملوها هي جدول فيه نشاطات اليوم كدة كدة الولاد متعودين على التعامل مع الجداول في المدارس فمش هيكون صعب بالنسبة لهم https://t.co/tdet5Ewzry
٢- شاركي ابنك او بنتك في الأنشطة اليومية زي الغسيل والتنظيف والطبيخ وتحضير السفرة... الخ
ممكن تدفعي له فلوس رمزية لكل نشاط وفي اخر الاسبوع تديله الفلوس اللي اشتغل بها
٣- خلي فيه وقت للقراءة سواء قراءة معاكي او قراءة صامتة وحاولي انك تعززي سلوك القراءة عند ابنك او بنوتك
٤- حددي وقت لمشاهدة التليفزيون واللعب على iPad زي بالضبط ما بتعملوا لو عندكم مدرسة
٥- حددي وقت النوم زي بالضبط في حالة المدراس وخلي ساعتين الصبح للمذاكرة سواء لو مدرستك هتابع معاكي اونلاين او لا
٦- لو هتتفرجوا على فيلم خلي ابنك يختار مرة وانتى مرة واعملوا فشار وطغوا النور زي السينما كدة
٧- خلي الحاجات اللي ابنك بيحبها وخصوصا الحلويات وال candy كمعزز (مكافأة) لو عمل النشاط اللي طلبيته منه بلاش تكون for free
٨- ابنك مش بس عاوز مهارات أكاديمية لأ فيه مهارات تانية مهمة له زي المهارات الاجتماعية ومهارات اللعب ... خلي وقت للعب وتبادل الأدواراختاري انتي لعبة وهو لعبة وخلى الوقت ده وقت لذيذ او كوسيلة للحصول على حاجة بيحبها زي iPad
