أهلاً

بما اني تعبان و ما اقدر اخلص شغلي قررت اسوي ثرد صغير عن تعلم البرمجة ، من حقك تختلف مع اي نقطة في الثرد فهو في الاول و الاخير اجتهاد شخصي و اي شخص عنده اضافة او يبي يناقش اي نقطة راح تفيد اللي يقرا الثرد حياه

في البداية باتكلم عن موضوع مهم في التعلم بشكل عام ، اغبى فئة من الناس هي اللي ممكن ما تتعلم من شخص لان دينه او مذهبه او اي شي يخصه ما يعجبهم ، و قابلت كثير للاسف ممكن ما يستفيد من شخص لانه تبع مذهب معين او فيه مسلم يشرحها ... الخ. خذ المعلومة من اي شخص فاهم حتى لو ما كان يعجبك

النقطة الثانية في مجال الحاسب خصوصاً ما فيه شي اسمه اختصار ، بتختصر بتضيع على نفسك معلومات و تجارب مهمة كثيير ، تبي تبرمج ؟ خذ راحتك في تعلم الاساسيات ، شف اشكال ال loops حاول تلعب بها شوي تعلمت ال if statement و تعلمت تاخذ مدخل من المستخدم ؟ جرب تسوي محاكاة لنظام تسجيل و دخول

و خذ راحتك في المواضيع هذي لانك بالطريقة هذي انت جالس تطور عندك مهارات مهمة ، انت جالس تحلل فكرة و تطبقها و جالس تفهم اكثر اللي جالس تتعلمه و في احسن حالاتك بتطيح في مشاكل تخليك تتعلم اكثر عن اشياء ما حسبت حسابها او ما دريت انها موجودة اصلاً هذا كله بيفوتك اذا خذت كورس ومشيت معه

انا ما اقول غلط انك تاخذ كورسات بالعكس خذ ، بس تحصل مكان كويس فيه كورسات ممتازة خذها بس لا تمشي معهم خطوة خطوة اشتغلتوا ع feature معين و قال اللي يشرح الخطوة الجاية راح نسوي الشي الفلاني وقف الكورس و حاول تسويه بنفسك و ارجع و شف كيف هو سواه ، حاول تطور ال feature زيادة عن المشروح