عاوز تكذب عالناس قولهم الناتج القومى زاد بنسبة ١٠% لانهم مش عارفين الناتج القومى دة جاى من فين ؟ لما تحب تضخم انجازات السياحة اذكر عدد السائحين لكن خبى ان كل مغترب بييجى مصر اجازة هوا سائح بمالايقل عن ٥ مليون سنويا ، عاوز تضخم انجازات التصدير اذكر انك صدرت ٤٠ مليون طن زيادة
من الخضار والفاكهة عن العام السابق لكن لاتذكر قيمتها المادية ، عند ذكر التصدير للدول العربية افتخر بانك صدرت مليون طن بصل وثوم السنة دى علشان تفخم الانجازات لكن لاتذكر ان ميزان المعاملات الجارية مع المملكة ولاول مرة من سنوات يكون فية عجز بقيمة ٢ مليار دولار ، فهمتو البيانات كدة
هكذا يتم اصدار البيانات للصحف ومواقع التواصل والمغيبين او المستفيدين يعيدو نشرها بغباء والبسطاء الغير متخصصين يفرحون ويعلقون نفسهم بالامال ولكن من يعرف الحقيقة فقط هم المتخصصين والمتاابعين للشان الاقتصادى المصرى ومش فقط الان ولكن يحتاج المرء على الاقل ١٠ الى ٢٠ سنه متابعة لصيقة
وعلشان مصر تتحسن ليكم او لاولادكم بعد عمر طويل لان خلاص الجيل الحالى حتى من سن ٢٠ سنة لغاية ٧٠ لن يطول اى تحسن بالتنمية وجميع تلك الاجيال ستعانى نفس معاناتنا عدا من يسافر ويهرب بجلدة للخارج لكن كل هؤلاء الملايين لايوجد لديهم ادنى فرصة للعيش الكريم طالما بقى الحكم العسكرى الامنى
لان اى ثمار تنمية لو بدانا من بكرة الصبح على نظيف هاتحتاج على الاقل من ٢٠ الى ٣٠ سنة علشان الناس تشعر بتحسن يعنى الى عندة ٢٠ سنة اليوم هايكون عندة ٤٠ وكل من فوق ال٥٠ تقريبا هايكون مات ولن يرى اى تحسن وكل دة على اساس اننا بكرة الصبح هانتحول دولة ديموقراطية مدنية لاعسكرية ولا دينية
