"تصحيح المسار"

سلسلة لتصحيح مسار "التظاهرات الشعبية"

تمت كتابتها من قبل فريق "الوعي قائد" @Alwa3iQaed

"مو حركة وعي" أعيد وركز وياي مو حزب سياسي تابع لصلاح العرباوي

مجردفريق من الشباب خذواع عاتقهم تحديدالأخطاء اللي صارت بتظاهرات 25/10/2019وعدم الوقوع بها مرة ثانية تابع وياي?

وحدة من نصائح فلاديمير لينين (قائد الثورة البلشفيّة ومؤسس الاتحاد السوفييتي) يوصي بها الثائرين يگللهم: (ينبغي الشروع فورًا بالتعلم من الأخطاء، علينا تنظيم النضال بشكلٍ أفضل، لا ينبغي لنا أن نخفي أخطاءنا أمام العدو، عندما نقول {لقد ارتكبنا أخطاء} فإن هذا يعني

فإن هذا يعني أن الأخطاء لن تتكرر في المستقبل).

تصحيح المسار شيء جدًّا مهم، ولازم يتم استقباله بصدر رحب حتى الثورة تنجح، وميصير نظل عالخطأ ونعيده مرارًا وتكرارًا وإلّا حنصير نسخة من الأحزاب الحاكمة.

أكبر ظلم لحركة تشرين هو اعتبارها فوق النقد، إحنا خرجنا حتى نكسر الخطوط الحمر وليس لخلق خطوط جديدة... الحركة الاحتجاجية هي وسيلة لتحقيق غاية استقرار العراق، وليست غاية بحد ذاتها.

وحدة من الأخطاء الّي لازم نتجنّبها هي (اللغة الطاردة)، أكو جمهور ثائر ملآن غضب وهالشي من حقّه، لكنّه بدل أن يوجّه غضبه على الساسة ورؤوس الأحزاب والميليشيات، راح هاجم المجتمع وأطيافه، وخلقنا أعداء بالخالي بلاش چان ممكن نخلّيهم لجانبنا، أو على الأقل نحيّدهم ونخليهم مو أعداء إلنا.