بذكر موضوع الكورونا ما حصل جات الفرصة و زول اتكلم عن الكوارث و إدارة الأزمات بصورة عامة

لكن على قول الخبير @husam_koko نتونس عن الموضوع ده https://t.co/ud2cpIs9o3

على مر السنين، كان العالم بيواجه مجموعة من المخاطر مقسمة على نوعين: مخاطر طبيعية Natural hazards، دي زي الأعاصير الفيضانات، الجفاف

و من صنع الإنسان Man-made hazards، زي الحرائق

الخطر بيتعرف في مجال الكوارث بأنو حدث من الممكن يتسبب في نتائج لا يمكن التعامل معها أو إحتوائها

أنواع المخاطر زاتها بتختلف على حسب الحجم بتاعها

و أغلبية الجهود المتركزة من المنظمات و مجتمعات الإغاثات على المخاطر الطبيعية لأنها الأكثر حدوثا.

المخاطر الطبيعية دي عندها حاجة اسمها ال returning period أو فترة العودة، و دي بتتعرف بنظرية اسمها Magnitude-Frequency theory

النظرية دي بتوضح أنو في علاقة بين حجم الخطر و التكرار بتاعه بمعنى كل ما الحجم كان كبير كان التردد بتاعه بسيط بيحصل مثلا مرة كل قرن.

ده كلو بيمهد للكارثة، الكارثة بتتعرف على أنها حدوث حدث في مجتمع ما بيأثر على آلية العمل بتاعه سواء كان المجتمع ده على مستوى صغير أو مستوى دولي ..

الكارثة ممكن تكون كارثة نتيجة لي خطر واحد و ممكن تكون نتيجة لعدة مخاطر و بالتالي بتأثر على مستويات متعددة

أثر الكارثة بتحددو مرونة المجتمع لتقبل الكارثة ال resilience . المرونة دي بتعتمد على عدة عوامل منها المجتمع ذات نفسو، منها الخصائص بتاعة المجتمع ده

و أي شخص في أي مجتمع