(معلش نركز شويه في الثريد)
اى كافتيريا بتتعمل حاليا بتتكلف أقل شئ نص مليون جنيه
هل تعلم أن المبلغ ده ممكن تعمل به مصنع ؟
طبعا الناس لما تسمع كلمه مصنع تفتكر أنها لازم تكون زي أبو العينين أو أبو هشيمه أو أبو جلمبو أو أي أبو وخلاص
لكن الحقيقه مش كدة خالص ?
انت ممكن تعمل مشروع صغير بيصنع سلعه السوق محتاجها بأقل التكاليف ...والمكان موجود في المناطق الصناعيه الجديدة في المحافظات بايجار مناسب ....
يعني مثلا ...
ممكن تعمل مصنع شربات أو اكسسوارات نسائية أو قطع غيار بوتجاز أو غسالة أو مصنع مسامير صلب منتجات بلاستيك ...الخ الخ
كلها مشاريع مش محتاجه غير ماكينة واحده سعرها حوالي 300 الف جنيه ....وخامات ب 50 ألف والباقي عمال وتجهيزات أخري ...
مشكلة المصنع ...حاجة واحده ...فقط
انه محتاج تصبر عليه سنه واحده لغاية ما تغطي المصاريف اللي صرفتها وسنه كمان علشان تسترد التكاليف ..بعد كدة هتفضل تكسب العمر
كله .....بشرط ...انك تشغل المصنع بنفسك ...وتبعد عن القروض في أول ثلاث سنوات ....
التعليقات فيها افكار مشاريع بتكلفه بسيطة
#صنعفيمصر
ماكينة فرم البلاستيك لتحويل الي بودرة لتغذية مصانع البلاستيك والتصدير أيضا ...مشروع ممتاز جدا https://t.co/wB2agNaNGV
