الكلام الي هقوله يمكن يكون سخيف، شوية.. ولكنها الحقيقة!
من التسعينات وبيحصل ترسيم جديد للنظام العالمي... راجع مقال "مشروع مصر الاقليمي".ومصر قدرت تنجو بالعناية الالهية وإرادة المصريين من مخطط يتعدى كونه فكرة تقسيم وتفتيت الشرق الاوسط، بس هو السؤال ليه عايزين يقسموا الشرق الاوسط.
افريقيا، وخد بالك ان كلامي حالياً متسق ومكمل لكل كلامي عن افريقيا قبل كدة.. سواء من نهب خيرات، من حرب باردة من تلاقي مصالح، الخ الخ الخ..
اللي حاصل ان في قارة افريقيا مافيش سيادة وطنية، مافيش دولة مافيش مؤسسات مافيش حياة .. وأوروبا عايشة على خيرات افريقيا الي الان ومستمرة في دة.
ولكن اللي دخل على الخط هي "الصين" و كمان "روسيا" وخد بالك انا الي الان مش بحط الاتنين في جملة واحدة، ولا خندق واحد.
الصين وروسيا دخولهم افريقيا ماختلفش كتير عن دخول اوروبا لها، هو دخول استعماري حتى لو اختلفت الاليات والادوات او الافكار.
طب اية علاقة كل دة بمصر...! يعني مش هخدك
في تفاصيل كتير، وشروحات ولكن..
الغرض ان مصر مايكنش لها دور في الخريطة السياسية للعالم الجديد، لا دور دولي ولا دور اقليمي، الاطراف المتنازعة اتفقوا على ان مصر لازم مايكنش لها دور في النظام العالمي الجديد (المصطلح دة تعب معانا اوي، واستخداماته كترت اوي).
المطلوب ان مصر متكنش احد
الاقطاب في النظام متعددة الاقطاب اللي بالفعل احنا خلاص بقينا فيه...!
دليلي على دة ان روسيا مثلا شغالة في السودان عكس المصالح المصرية، ان الصين شغالة في اثيوبيا عكس المصالح المصرية وطبعا مش محتاج ادللك على امريكا وأوروبا انت خلاص عارف بيعملوا اية..!
طب دة معنى اية.. بدون تفاصيل
