Foreign accent syndrome من اغرب المتلازمات اللى ممكن تشوفها فى حياتك .وهى عبارة عن واحد يتعرض لحادث ويحصله skull injury او خبطة جامدة فى الجمجمة وكسر وبعدين يتحسن فى العناية المركزة وبعد ما يفوق يبدأ يتكلم بلغة تانية غير لغته باتقان شديد .كمثال
لو طفل عنده١٠ سنين انجليزى وعايش فى انجلترا وعمره ما خرج منها وعمره ما درس لغة صينية او اى حد من عيلته يعرفها اصلا .فجأة لما يفوق يلقوه بيتكلم صينى ببراعة وكأنه مولود فى الصين !!! طب ازاى عرفها ؟؟ الله اعلم !طب تفسير العلم ايه ؟ مفيش تفسير
طب بيحصل بعد كده ايه ؟؟
معظمهم بيرجع يتكلم بلغته عادى وينسى الموضوع ده بعد وقت قليل ، وفيه بيستمر معاه اللغتين .المثير للدهشة انها مش متوقفة على اللغات !! فيه ناس صحيت لقت نفسها بتعرف ترسم مع انهم عمرهم ما مسكوا ريشة !!! فيه ناس لقت نفسها بتعرف تسوق !!!
باختصار حاجة غامضة جدا وملهاش تفسير لحد الآن . لأن المتعارف عليه ان عشان حد يعمل اى حاجة لازم يكون عنده ميمورى سيل قبل كده . كمثال انت عشان تسوق العربية لازم تكون اتعلمت الاول بالتالى مخك بيحط التعليم ده فى خلايا الذاكرة عشان كل ما تركب عربية تعرف تسوقها ! لكن ازاى حد معندوش
يعرف يسوق ؟؟ انا الموضوع ده خلانى افكر ان ممكن ربنا خالق جوه مخنا جميع الافكار واللغات والمهارات منذ بدأ الخليقة حتى يوم الحساب بس كل واحد مقدر ليه هيستعمل منها ايه وفين وامتى ! يعنى واحد زى ليونيل ميسى مقدر ليه انه يتحكم فى كرة القدم وواحد زى اينشتاين مقدر ليه يبقى نابغة
