ولادة طفل جديد ممكن تسبب اختلاط قوي في المشاعر، بين الفرح و الحماس الى الخوف و القلق و التعب الشديد، عدا عن التغير في مستوى بعض الهرمونات بعد الولادة، هاي العوامل مع بعض رح تأدي الى تقلبات في المزاج، لكنها ممكن تأدي الى شيء أكبر، و الي هو موضوعنا لليوم "اضطرابات ما بعد الولادة" https://t.co/3KjptTytex

خلال فترة ما بعد الولادة، معظم السيدات بتصاحبهم تقلبات في المزاج، أغلبها بتكون أعراض خفيفة و لمدة قصيرة يعني شي عادي، لكن حوالي 10-15٪ من السيدات تصابحهم أعراض قلق و إكتئاب أكثر حدة من الوضع الطبيعي لباقي السيدات

تعتبر هاي الأعراض الأكثر حدة و تطور، دليل على وجود اضطراب نفسي بعد الولادة، و بتنقسم اضطرابات ما بعد الولادة إلى ثلاث اضطرابات رئيسية:

1) بيبي بلوز

2) إكتئاب ما بعد الولادة

3) ذهان ما بعد الولادة

نبدأ بأبسطهم و أسهلهم، "البيبي بلوز"

هو الأكثر شيوعاً بين الثلاث، و أقلهم تأثير، لدرجة انه قد لا يعتبر اضطراب فعلي و ممكن يعتبر رد فعل عادي، في البيبي بلوز تصاحب الأم حالة من الشعور بالحزن، القلق، تقلبات المزاج و البكاء، و هاي الأعراض بتظهر أكثر شي برابع أو خامس يوم بعد الولادة

و الأعراض هاي بتستمر من ساعات الى أيام، و بتختفي لوحدها تماماً بعد مرور اسبوعين من الولادة. في البيبي بلوز، هاي الأعراض ما بتأثر على أداء الأم تجاه الطفل. الحالة هاي لا تحتاج الى علاج معين، بس التطمين و الدعم و الأمور بتكون بخير، لتجنب انها تتطور أكثر و تصير اكتئاب