السلام عليكم، ثريد اليوم عن كيف تتحرر من عبودية الوظيفة وتصير رجل اعمال قوي ورهيب.
وانا بما اني غني ماعندي شغل اقابله قررت اعلمك كل الاسرار اللي بتحررك من عبودية الوظيفة
اولا: لازم تستثمر بمبلغ بسييييط جدا (يعني مثلا ١٥ مليون) عشان لو خسرته ماتضرر كثير ولا تندم
طبعا ١٥ مليون اكيد كلنا عندنا، ماعندك؟ مو عذر بيع بيتكم..بيتكم مايسوى ١٥ مليون؟ وش ذا الفقر اللي انت فيه يخوي! مالك عذر بيع كليتك طيب!
ثانيا: وفر مبلغ كوب القهوة يخوي! يعني من زين الافكار اللي يطلعها مخك عشان كل يوم تعطيه كافيين؟. كوب القهوة ذا اغلى من افكارك لو بتبيعها.
ثالثا: انت ليش للحين ما ادخرت ٦٠٪ من راتبك؟؟؟ لو راتبك ٢٠ الف وادخرت منه ٦٠٪ فهذي تساوي ١٢ الف..لو توفر هالمبلغ شهريا فخلال ١٠٤ سنين بيصير معك ١٥ مليون بس انت ماتقدر تتحكم برغباتك وبتضل طول عمرك عبد للوظيفة يافقير
اتمنى الثريد اعجبكم واعتذر ماقدرت اطول، دخل القاضي..عيال عمي رافعين علينا قضية يدعون ان لهم حصه من مصانع ابوي اللي بالصين..
باقي اسرار الثراء السريع تلقونها بكتابي اللي في مكتبه جرير او اشتركوا بدوراتي ترا عليها خصم ٤٠٪ حاليا وسعرها ٥٥٥٥٥ ريال فققط (يوجد خصم ١٠٪ للطلاب)
تشاو تشاو
بهالمناسبة شوفوا قناتي باليوتيوب ???
