حد بيتابع الصفحات الاسرائيلية ؟ خاصة اسرائيل تتحدث العربية؟

بيكتبوا عربي احسن من العرب..وبيردوا ع تقريبا كل تعليق وفى منتهى الثقافة والوعي وبيردوا ع قلة الادب والهجوم كله تقريبا بلغتك.

اللي انت معتبره عدوك..هو بيكلمك كل يوم بلغتك وعارف كل حاجة عنك يمكن اكتر من شعوبنا نفسهم..

العرب والمصريين بيروشوا عليهم بكلام اهطل.. لكن هما دارسينك وعارفين اكلك وشربك وتاريخك ولغتك العمية وحتى الافيهات والايات من القران بيردوا بيها ع المسلميين.. الموضوع ده ابعاده كبيرة قوي وتأثيره هيزيد..

احنا محتاجين نعرف تاريخنا وننشط الوطنية اكتر من اي وقت..

الاجيال اللي طالعة مبتعرفش عربي اصلا ولا حتى انجليزي.. ده رجوع وانحدار مخيف..

الاحتلال بقى اشكاله مختلفة.. لما شعبك يبقى جاهل و مستوي لغته زفت، يجهل تاريخيه، الفن فالهبوط تطرف بعض الناس .. الجهل بصحيح الدين وحاجات كتير كلها دليل ع فشل وغسيل مخ بيحصل باشكال مختلفة..

اخاف يجي يوم علينا ونشوف جيل ميعرفش يعني ايه حرب اكتوبر .. ميعرفش غلاوة سينا.. مايفهمش يعني ايه الواحد يقف احترام للعلم والنشيد الوطني..

يمكن فشل معاك ستايل سوريا والعراق.. نبوظ الشباب.. طلع عيال ضايعة جاهلة بتحاول تقلد بس.. ناسيهم الفن الهادف والتطور والادب والرقى..

خليهم يفتكروا انهم جامدين قوي والسفرا بيكلموا مصري بالعامية عشان احنا مؤثرين .. لكن هنا، سيلهم يتأخروا ويتخلفوا.. الهيهم فى اي حاجة؛ شيوخ ماشي، مهرجانات ماشي ، قلهم براڤو انتو جامدين قوي عشان يضيعوا اكتر.. المهم يبقوا من جوا فارغين وجاهلة وبعد كده اختراقهم سهل ..