عبارة نسمعها ونرددها كثير وهي مو لاقي نفسي او ما لقيت شغفي طيب ايش الحل ?? تحت اعطيكم بعض الأفكار اللي ساعدتني وممكن تساعدكم
١- نجرب ونجرب ونجرب> نجرب تصوير - كيك - تصميم - غوص - إسعافات أولية اَي شي نحب نجربه بس اهم شي اعطي كل فرصة وقتها واستمتع فيها و٢٠ ساعة لأغلب الدراسات مناسبة للتجربة في مهارة جديدة
٢- نتكلم ونسمع من الخبراء في المجال اللي اخترناه مثلا اخترت تصميم اسألهم كيف حياتكم ؟ ايش بتعملوا ؟ ايش يعجبكم في المجال ؟ وايش لا ؟ احاول استشف نوعية حياتهم وهل مصدر دخلهم كافي ومناسب لطموحي - اتابع حسابات تصميم في السوشيال ميديا
٣- الاختبارات والاستشارات والكوتشنج كلها أدوات مساعدة ومن خلالها ممكن تترتب حياتنا كثير بس اذا اخترنا صح لكن اذا اخترنا اَي شخص غير متمكن او غير فاهم ممكن تنقلب حياتنا أكثر ونضيع زيادة
٤- أقرأ كتب- اسمع كتب صوتية اشوف أفلام وثائقية احاول اوسع مداركي عن المجال اكثر بكل الطرق الممكنة عشان اعرف ايش الفرص الموجودة لانه حتى لو لقيت مجال شغفي وما عرفت أوصل للفرصة الموجودة في السوق حأكون هاو غير مقتدر وبنشوف في الخارج رسامين خطييييرين بيرسموا في الشارع وينتظروا معونة
